DBT News

BongBros

14-12-2018

767

រឿន ណាត បង្ហាញខ្លួនក្នុងការដើរម៉ូត ក្នុងព្រឹត្តការណ៍ប្រកួតសម្រស់ Miss Universe 2018

(ភ្នំពេញ)៖ កាលពីយប់មិញនេះ ឮជាកម្មវិធីដើរបង្ហាញម៉ូដ ក្នុងព្រឹត្តការណ៍ប្រកួតសម្រស់ Miss Universe 2018 ដែលមានឈុតរាត្រីសមោសរ និងឈុតហែលទឹក បង្ហាញដោយបេក្ខនារីមកពីជាង ៩០ប្រទេស លើពិភពលោក ។ ក្នុងនោះ គេសង្កេតឃើញបវកញ្ញាចក្រវាលតំណាងឲ្យកម្ពុជា កញ្ញា រឿន ណាត ធ្វើបានល្អបំផុតទាំងកាយវិការ និងទឹកមុខនៅលើឆាកដ៏ធំ ប្រកបដោយភាពជឿជាក់បំផុតកាលពីយប់មិញនេះ។

ការពិត បវរកញ្ញា រឿន ណាត បានបង្ហាញខ្លួនយ៉ាងមានទំនុកចិត្ត ប្រកបដោយភាពជឿជាក់ជាមួយនឹងស្នាមញញឹមផុសចេញពីបេះដូង ធ្វើឲ្យកញ្ញា រឿន ណាត កាន់តែលេចធ្លោ។ ជាមួយគ្នានេះ រឿន ណាត បានបង្ហាញខ្លួនចំនួន ៣ដង ជាមួយនឹងឈុតសម្លៀកបំពាក់ផ្សេងៗគ្នា ដោយក្នុងឈុតដំបូង គឺការណែនាំខ្លួន និងឈ្មោះប្រទេសកម្ពុជា ឈុតទី២ គឺឈុតហែលទឹកយ៉ាងសិចស៊ី និងឈុតទី៣ នោះគឺជាឈុតរាត្រីសមោសរផងដែរ។

សូមបញ្ជាក់ថា កាលពីយប់មិញនេះ គឺជាវគ្គប្រកួតបឋម សម្រាប់បេក្ខនារីតំណាងប្រទេសជុំវិញពិភពលោកបង្ហាញខ្លួន ខណៈដែលរាត្រីគ្រងមកុដក្នុងកម្មវិធី Miss Universe 2018 គឺធ្វើឡើងនៅថ្ងៃទី១៧ ខែធ្នូនេះហើយ៕