DBT News

Heach

25-11-2024

ព្រះរាជក្រម ប្រកាសឱ្យប្រើ«ច្បាប់ស្តីពីការបង្កើតរដ្ឋលេខាធិការដ្ឋានកិច្ចការព្រំដែន»

(ភ្នំពេញ)៖ ព្រះករុណា ព្រះបាទ សម្តេចព្រះ បរមនាថ នរោត្តម សីហមុនី ព្រះមហាក្សត្រនៃកម្ពុជា នៅថ្ងៃទី០៥ ខែតុលា ឆ្នាំ២០២៣ បានចេញព្រះរាជក្រមមួយ ប្រកាសឱ្យប្រើប្រាស់ «ច្បាប់ស្តីពីការបង្កើតរដ្ឋលេខាធិការដ្ឋានកិច្ចការព្រំដែន»។

រដ្ឋលេខាធិការដ្ឋានកិច្ចការព្រំដែន ជាស្ថាប័នចំណុះរបស់រាជរដ្ឋាភិបាល ដែលមានលោក ឡាំ ជា ជារដ្ឋមន្ត្រី។ ស្ថាប័នថ្មីនេះ ជំនួសឱ្យអាជ្ញាធរជាតិទទួលបន្ទុកកិច្ចការព្រំដែន ហើយត្រូវបានប្រកាសឱ្យប្រើច្បាប់ស្តីពីការបង្កើត តាមព្រះរាជក្រមចុះកាលពីថ្ងៃទី៥ ខែតុលា ឆ្នាំ២០២៣។ ច្បាប់ថ្មីនេះ មានចំនួនសរុប៨មាត្រា ដោយក្នុងនោះមាត្រា២ បានបញ្ជាក់ថា រដ្ឋលេខាធិការដ្ឋានកិច្ចការព្រំដែន មានសមត្ថកិច្ចដឹកនាំ និងគ្រប់គ្រងកិច្ចការព្រំដែន នៃព្រះរាជាណាចក្រកម្ពុជា ទាំងព្រំដែនគោក និងព្រំដែនសមុទ្រ។ សម្តេច ហ៊ុន សែន អតីតនាយករដ្ឋមន្ត្រី បានបញ្ជាក់ក្នុងសន្និសីទសារព័ត៌មានមួយនៅរដ្ឋសភា ថា ការបង្កើតជារដ្ឋលេខាធិការកិច្ចការព្រំដែន គឺក្នុងគោលបំណងពង្រឹងការទទួលខុសត្រូវការងារព្រំដែនយូរអង្វែង ជាពិសេសការរៀបចំសំណុំឯកសារ ការងារពាក់ព័ន្ធនឹងការចរចា ការបោះបង្គោលព្រំដែន ដែលចាំបាច់ត្រូវមានរបៀបរៀបរយ៕

ចែករំលែកដោយ៖ លោក ប៉ិច ដេវីត ជាប្រធានក្រុមទទួលបន្ទុកផ្នែកកិច្ចការងារច្បាប់ពាណិជ្ជកម្ម នៃការិយាល័យមេធាវី ប៊ីធី មានអាសយដ្ឋានផ្ទះលេខ៤៥អ៊ី8+9 ផ្លូវវត្តអង្គតាមិញ ស្ថិតក្នុងភូមិត្រពាំងល្វា១ សង្កាត់កាកាប១ ខណ្ឌពោធិសែនជ័យ រាជធានីភ្នំពេញ .ទូរស័ព្ទទំនាក់ទំនងលេខ 012 589 111/096 320 8888