​ក្នុង​សារ​ថ្វាយព្រះពរ សមាគមអ្នកប្រឹក្សាយោបល់គ្រឿងសម្អាង បាន​ក្រាបបង្គំ​ទូលថ្វាយ សម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា
«​ក្នុងឱកាសដ៏មហាមង្គលសួស្តី ប្រពៃថ្លៃថ្លានេះ ទូលព្រះបង្គំជាខ្ញុំទាំងអស់គ្នា សូមព្រះបរមរាជានុញ្ញាតលើកហត្ថប្រណម្យបួងសួងដល់ទេវតាថែរក្សាទឹកដី នៃព្រះរាជាណាចក្រកម្ពុជា គុណបុណ្យព្រះរតនត្រ័យកែវទាំងបី វត្ថុស័ក្តសិទ្ធិទាំងឡាយក្នុងលោក បុណ្យបារមីទេវតាថែរក្សាព្រះមហាស្វេតច្ឆត្រ ឬទ្ធិបារមីព្រះឥន្ទ ព្រះព្រហ្ម ព្រមទាំងបុណ្យបារមីនៃដួងព្រះវិញ្ញាណក្ខន្ធអតីតព្រះមហាក្សត្រ ព្រះមហាក្សត្រីយានីខ្មែរគ្រប់ព្រះអង្គ សូមជួយបីបាច់ថែរក្សាអភិបាល ប្រោះព្រំនូវព្រះសព្ទសាធុការពរជ័យគ្រប់ប្រការ ថ្វាយចំពោះព្រះករុណាជាម្ចាស់ និងសូមព្រះអង្គទ្រង់ប្រកបដោយព្រះពុទ្ធពរដ៏ឧត្តុង្គឧត្តមថ្លៃថ្លាទាំងបួនប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លៀតឡើយ។

            សូម ព្រះករុណាជាម្ចាស់ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត ទ្រង់ព្រះមេត្តាទទួលនូវគាវរភក្ដីភាពដ៏ខ្ពងខ្ពស់ និងស្មោះស្ម័គ្របំផុត អំពីទូលព្រះបង្គំជាខ្ញុំទាំងអស់គ្នា។