| BY | Heach | / | 19-11-2025 | / | 246 |
សមាគមគ្រឿងសម្អាងCCAគ្រោងធ្វើសិក្ខាសាលាស្តីអំពីហានិភ័យផ្លូវច្បាប់លើវិស័យគ្រឿងសម្អាងនៅកម្ពុជា
រាជធានីភ្នំពេញ៖យោងលិខិតលេខ ៧៨ សជណ ចុះថ្ងៃទី ១៨ ខែវិឆ្ឆិកា ឆ្នាំ ២០២៥របស់សមាគមគ្រឿងសម្អាងCCAបានអោយដឹងថា សមាគមនេះគ្រោងធ្វើសិក្ខាសាលាស្តីអំពីហានិភ័យផ្លូវច្បាប់វិស័យគ្រឿងសម្អាងដល់សិក្ខាកាមចំនួន៥០រូបដែលមានវាគ្មិនចំនួន២រូបនោះគឺ លោកបណ្ឌិត តេង ប៊ុនថុន អតីតប្រធានក្រុមបង្ក្រាបផលិតផលក្លែងក្លាយ និង ធ្វើបទបង្ហាញអំពីហានិភ័យនានាជុំវិញវិស័យគ្រឿងសម្អាង ជាពិសេសផ្តល់ដំណោះស្រាយ វិធីការពារដល់សិក្ខាកាមដែលបានចូលរួម។
វាគ្មិនទី២ លោកមេធាវី ជុំ សុគង់ សមាជិកគណៈមេធាវី និង ជាប្រធានការិយាល័យមេធាវី BT Law Office និង ធ្វើបទបង្ហាញអំពី មាត្រាច្បាប់គ្រឿងសម្អាង មានដូចជា ច្បាប់សុខាភិបាល ច្បាប់កិច្ចការពារអ្នកប្រើប្រាស់ និង ទោសព្រហ្មទណ្ឌដែលត្រូវទទូលខុសត្រវ។
ក្នុងលិខិតនោះបន្តទៀតថា សមាគមនេះគ្រោងធ្វើនៅថ្ងៃទី ៣០ ខែវិឆ្ឆិកា ឆ្នាំ២០២៥ នៅរាជបណ្ឌិតសភាកម្ពុជា វេលាម៉ោង ១រសៀល ដល់ម៉ោង ៥ ដោយសមាជិកត្រូវបង់ថ្លៃអាហារចំនួន២០ដុល្លាក្នុងម្នាក់ និង មិនមែនសមាជិកត្រូវបង់ថ្លៃអាហារចំនួន ៥០ដុល្លាក្នុងម្នាក់។
តើវគ្គនេះមានអត្ថប្រយោជន៍យ៉ាងណាខ្លះ?អ្នកចូលរួមទទួលបានអ្វីខ្លះ?
យោងតាមលោកចាន់ភ័ណ្ឌរឿន នាយករងនៃគណៈកម្មាធិការប្រតិបត្តិរបស់សមាគមបានអោយដឹងថា ក្នុងវគ្គនេះគ្រោងទទួល៥០នាក់ ដោយសិក្ខាកាមទទួលបាន ចំំណេះដឹងបទពិសោធន៍លើវិស័យគ្រឿងសម្អាង លេប លាប ចាក់ ទាំងផ្លូវច្បាប់ សុខាភិបាលមានអ្វីខ្លះ ច្បាប់ កបប មានអ្វីខ្លះ រួមទាំងការទទួលខុសត្រូវផ្នែកព្រហ្មទណ្ឌមានអ្វីខ្លះ ជាពិសេសទទួលបានការធ្វើបទបង្ហាញដោយផ្ទាល់ពី លោក តេង ប៊ុនថុន លើហានិភ័យក្រុមហ៊ុន ខាងក្នុងមានអ្វីខ្លះ ហានិភ័យខាងក្រៅមានអ្វីខ្លះ ហានិភ័យជាមួយដៃគូប្រជែងមានអ្វីខ្លះ លោកនិងផ្តល់ជាបទពិសោធន៍ ដំណោះស្រាយ និង វិធីការពារដល់សិក្ខាកាមដែលបានចូលរួម។
តើសមាគមគ្រឿងសម្អាង CCA មានគោលបំណង បេសកកម្ម និង ទស្សនៈវិស័យអ្វីខ្លះ?
យោងរតាមលោក អ៊ឺង ឆាយគ័ង ប្រធានសមាគមបានអោយដឹងថា សមាគមគ្រឿងសម្អាង CCA គឺជាសមាគមក្រៅរដ្ឋាភិបាលមួយដែលផ្គុំឡើងដោយអ្នករកស៊ីគ្រឿងសម្អាង ភ្នាក់ងារលក់ តំណាងចែកចាយ ជាពិសេសអ្នកមានចំណេះដឹងផ្នែកច្បាប់ អំពីផលិតផលគ្រឿងសម្អាង មកពីបណ្តាគ្រប់អង្គភាពផ្សេងៗក៍អាចចូលរួមបានដែរ
ដោយសមាគមនេះបង្កើតឡើងមានគោលបំណងដូច
- ចូលរួមសហការជាមួយអាជ្ញាធរ ស្ថាប័នពាក់ព័ន្ធ លើកកម្ពស់ និងទប់ស្កាត់គ្រឿងសម្អាងក្លែងក្លាយដែលកំពុងបំផ្លាញសុខភាពអ្នកប្រើប្រាស់។
- គាំទ្រដល់ផលិតផល ដែលនាំចូលដោយមានការចុះបញ្ជីត្រឹមត្រូវ និងទទួលស្គាល់ដោយមន្ទីរពាក់ព័ន្ធរបស់ប្រទេសកម្ពុជា។
- រកទីផ្សារ កន្លែងតាំងពិព័រណ៌ និងបង្កើតទីផ្សារ សម្រាប់ដាក់តាំងលក់ផលិតផលគ្រឿងសម្អាងក្នុងស្រុក និងបរទេស។
- ជួយគាំពារ និងលើកកម្ពស់ដល់អាជីវករដែលជាម្ចាស់ផលិតផលគ្រឿងសម្អាងក្នុងស្រុក ឲ្យមានការទទួលស្គាល់ជាផ្លូវការពីស្ថាប័នពាក់ព័ន្ធ ដែលជាសក្តានុពល ឆ្ពោះទៅរកការប្រកួតប្រជែងផលិតផលគ្រឿងសម្អាងកម្ពុជានៅលើទីផ្សារអន្តរជាតិ។
សមាគមនេះ មានបេសកកម្ម
- គាំទ្រខ្សែសង្វាក់ផលិតកម្មគ្រឿងសម្អាងក្នុងស្រុក ដែលមានការទទួលស្គាល់ពីមន្ទីរពិសោធន៍ជាតិលើការផលិតតាមបច្ចេកទេសត្រឹមត្រូវតាមស្តង់ដារក្រសួងពាក់ព័ន្ធ។
- លើកស្ទួយនូវផលិតផលក្នុងស្រុកចំពោះម្ចាស់កម្មសិទ្ធិករ ដែលបានចុះបញ្ជីការទទួលស្គាល់គ្រប់ស្ថាប័ន ពាក់ព័ន្ធក្នុងការស្វែងរកទីផ្សារ ជៀសវៀងការផលិត ឬវេចខ្ចប់ផលិតផលគ្រឿងសម្អាងក្លែងក្លាយ។
- ផ្តល់ការប្រឹក្សាផ្លូវច្បាប់ ដោះស្រាយវិវាទដែលជាហានិភ័យរបស់ម្ចាស់អាជីវកម្មគ្រឿងសម្អាងស្របច្បាប់នៅកម្ពុជា។
រីឯចក្ខុវិស័យវិញ សមាគម ចង់ឃើញវិស័យគ្រឿងសម្អាងនៅកម្ពុជាមានគុណភាពស្របតាមស្តង់ដារអន្តរជាតិ មានការទទួលស្គាល់ពីមន្រ្តីជំនាញ និងស្ថាប័នពាក់ព័ន្ធរបស់ព្រះរាជាណាចក្រកម្ពុជា ព្រមទាំងមានភាពរីកចម្រើនប្រកបដោយនិរន្តរភាព ឈានឆ្ពោះទៅទីផ្សារអន្តរជាតិ។
|