| BY | Heach | / | 02-09-2025 | / | 26 |
មេឈ្មួញ៤នាក់ ដែលនាំអង្ករពីប្រទេសថៃចូលមកប្រទេសកម្ពុជា តាមច្រកកំពង់ស្រឡៅ ស្រុកឆែប ខេត្តព្រះវិហារ
ខេត្តកំពង់ធំ ៖ មេឈ្មួញ៤នាក់ ដែលនាំអង្ករពីប្រទេសថៃចូលមកប្រទេសកម្ពុជា តាមច្រកកំពង់ស្រឡៅ ស្រុកឆែប ខេត្តព្រះវិហារ ដោយប្រើរថយន្តធំយ៉ីឌុបចំនួន៣គ្រឿង អ្នកទាំង៤ រួមមាន៖ ១. លោក ដន ទី ២. លោក ភូ គេន ៣. អ្នកស្រី លុយ យ៉ាន់ និងទី៤. លោក សន ភ័ណ្ឌ អ្នកទាំង៤នាក់នេះរស់នៅភូមិកំពង់ស្រឡៅ ឃុំកំពង់ស្រឡៅ ស្រុកឆែប ខេត្តព្រះវិហារ ។
ប្រភពមួយបានបញ្ជាក់ថា ករណីនេះប្រព្រឹត្តទៅបានដោយសារតែមានការឃុបឃឹតគ្នាជាមួយនឹងមន្ត្រីគយជាអ្នកបើកដៃឱ្យនាំចូល ក្នុងនោះមានមន្ត្រីគយម្នាក់ដែលជាមេខ្យល់ត្រូវបានគេស្គាល់ថាឈ្មោះ លោក សុខ ឡាដេត ដែលជាអ្នកចូលរួមស្នើសុំអន្តរាគមន៍នៅពេលដែលសមត្ថកិច្ចខាងខេត្តកំពង់ធំបង្ក្រាបបានផងដែរ ។
ទោះបីជាការនាំចូលអង្ករពីប្រទេសជិតខាងនេះជាជំនួញពាណិជ្ជកម្មក៏ដោយ ប៉ុន្តែវាបានបង្កឲ្យមានការរិះគន់យ៉ាងខ្លាំង ព្រោះស្ថានភាពស្រូវអង្ករក្នុងស្រុកកំពុងមានស្តុកច្រើន ហើយថ្លៃកំពុងធ្លាក់ចុះគួរឱ្យព្រួយបារម្ភ ចំណែកការនាំអង្ករថៃចូលបន្ថែមទៀត អាចនឹងបង្កឲ្យថ្លៃស្រូវក្នុងស្រុកកាន់តែធ្លាក់ចុះ ខណៈប្រទេសថៃកំពុងតែឈ្លានពានប្រទេសកម្ពុជា ។
ការលើកឡើងថា ប្រទេសថៃគឺជាប្រទេសដែលតែងតែឈ្លានពានប្រទេសកម្ពុជា បង្កការខូចខាតដល់កងទ័ព ប្រជាពលរដ្ឋ និងសំណង់នានា ដូច្នេះប្រជាពលរដ្ឋសូមសំណូមពរបញ្ឈប់ការនាំចូលអង្ករពីថៃ ដើម្បីការពារពាណិជ្ជកម្មស្រូវក្នុងស្រុក និងគោរពចំពោះឈាមវិរកងទ័ព និងប្រជាជនខ្មែរដែលបានបង់អាយុជីវិតក្នុងអំឡុងពេលដែលមានជម្លោះគ្នាមិនចេះចប់មិនចេះហើយពីប្រទេសសៀមនេះ ។
|