| BY | Heach | / | 09-08-2025 | / | 53 |
អតីតម្ចាស់ស្ថានីយប្រេងឥន្ធនៈ PTT ចំនួន ៣៥ ប្រកាសជាផ្លូវការបញ្ចប់អាជីវកម្មចាស់ ប្តូរទៅប្រេនអាជីវកម្មថ្មី Peace Petroleum Cambodia ហៅកាត់ PPC
(ភ្នំពេញ)៖ ក្រុមហ៊ុន ភីស ភេត្រូលៀម (ខេមបូឌា) (Peace Petroleum Cambodia) នៅថ្ងៃទី៩ ខែសីហា ឆ្នាំ២០២៥នេះ ដែលសុទ្ធសឹងជាអតីតម្ចាស់ស្ថានីយប្រេងឥន្ធនៈ PTT បានចេញសេចក្តីជូនដំណឹងផ្លូវការ បញ្ជាក់ពីការបញ្ចប់ការធ្វើអាជីវកម្មលើផលិតផល និងប្រេនចាស់ហើយ ប្តូរមកប្រេនថ្មីដែលមានឈ្មោះថា ភីស តេត្រូលៀម(ខេមបូឌា) Peace Petroleum Cambodia ហៅកាត់ PPC។
សេចក្តីជូនដំណឹងរបស់ក្រុមហ៊ុន ភីស ភេត្រូលៀម មានខ្លឹមសារដូច្នេះថា៖
ជំហានដំបូងស្ថានីយដែលបានសម្រេចចិត្តបញ្ឈប់ការធ្វើអាជីវកម្មលើផលិតផល និងប្រេនចាស់ហើយ ប្តូរមកប្រេនថ្មីដែលមានឈ្មោះថា ភីស តេត្រូលៀម(ខេមបូឌា) Peace Petroleum Cambodia ហៅកាត់ PPC មានចំនួនសរុប៣៥ស្ថានីយ ដែលក្នុងនោះស្ថានីយកំពុងដំណើរការមានចំនួន៣១ និងស្ថិតនៅក្នុងដំណើរ ការសាងសង់ចំនួន៤។
នៅក្នុងអំឡុងពេលអន្តរកាលនៃការផ្លាស់ប្តូរនេះ ក្រុមហ៊ុន PPC កំពុងធ្វើការរៀបចំប្រភពផ្គត់ផ្គង់ប្រេង ស្របតាមគោលការណ៍របស់រាជរដ្ឋាភិបាលកម្ពុជា ប្រព័ន្ធបញ្ជាទិញប្រេង មធ្យោបាយដឹកជញ្ជូនតាមស្ថានីយ រៀបចំប្រព័ន្ធគ្រប់គ្រង ព្រមទាំងបញ្ជាទិញសម្ភារៈ។ល។ ដើម្បីកែលម្អរចនាបទអាជីវកម្ម និងឡូហ្គូថ្មីទៅតាម ស្ថានីយនីមួយៗដែលគម្រោងទាំងអស់នេះចាំបាច់ត្រូវការរយៈពេល យ៉ាងហោចណាស់ ៣(បី)ខែ ដើម្បីអាចធ្វើឱ្យ ប្រតិបត្តិការអាជីវកម្មថ្មីដំណើរការទៅបានប្រកបដោយជោគជ័យ និងរលូន។
ដើម្បីឆ្លើយតបនឹងដំណោះស្រាយផ្លូវច្បាប់ផ្សេងៗ និងធានាបាននូវនិរន្តភាពនៃអាជីវកម្មរបស់ស្ថានីយ ដែលត្រូវដំណើរការប្រេនថ្មីខាងលើសម្រាប់អំឡុងពេលអន្តរកាលនេះ ក្រុមហ៊ុន PPC បានសម្រេចចិត្តដោះស្រាយ បញ្ហាចំពោះមុខទាក់ទងទៅនឹង៖
*ក្របខណ្ឌពេលវេលា៖ ដោយក្រុមហ៊ុនត្រូវការពេលវេលាដូចខាងលើដើម្បីធ្វើការផ្លាស់ប្តូរ រៀបចំបង្កើតរចនា សម្ព័ន្ធអាជីវកម្មថ្មីដែលយើងពុំបានគ្រោងទុកជាមុន និងការចាត់ចែងស្តុកប្រេងតាមស្ថានីយនីមួយៗមុនការ ផ្លាស់ប្តូរ។
*ការចាត់ចែងស្តុកប្រេងរយៈពេលខ្លីពីប្រេនចាស់ ប៉ុន្តែមិនមែនជាប្រេងមកពីប្រទេសដែលប្រជាពលរដ្ឋកំពុង ធ្វើពហិការមិនប្រើប្រាស់នោះទេ។
*ការគិតគូរអំពីអំពីប្រេនកាហ្វេថ្មីដែលនឹងមានវត្តមាននៅក្នុងស្ថានីយ PPC នៅពេលខាងមុខ៕
|